DUALIZA deialdira aurkeztutako Politeknika Txorierriko LHko proiektuak herrialdeko 30 proiektu berritzaileenen artean hautatua izatea lortu du.
Derio (Bizkaia) – 2023ko martxoaren 07a. Politeknika Txorierrik 10.000 euroko laguntza jaso du 2022-2023 Dualiza Laguntzen Deialdiaren VI. edizioan, “Ingurumena errespetatzen duten industria arloko prozesuak” proiektua garatzeko. Proiektua Jerez de la Fronterako Salesianos Lora Tamayo eskolarekin eta Gasolcor, Aceros Inoxidables Carpo, SL, Laser Iberic Studio S.L, Muelles Federtek, SL eta Somek Mecanizados SL enpresa laguntzaileekin elkarlanean aurkeztu da.
2022ko abenduan, CaixaBank Dualizaren eta FPEmpresa Lanbide Heziketako Ikastetxeen Elkartearen laguntzen deialdiaren VI. edizioko laguntzak eman ziren. Laguntza horien helburua ikastetxeen eta enpresen arteko harremana indartzea da, bai eta ikasleari enplegagarritasuna erraztuko dioten gaitasun berriak ematea ere. Nazio-mailan aurkeztutako proposamen guztien artean, Politeknika Txorierrik mozteko teknologia berrietan berrituz aurkeztutako proiektua 30 proiektu berritzaileenen artean hautatu zen.
Politeknika Txorierri ebaketa-teknologia berrietan berrikuntzak egiten
Proiektuaren irismena ur bidezko ebaketaren teknologian oinarritzen da. Industria-ebaketa honek presio eta abiadura handiko ur-zurrusta erabiltzen du metala, beira, harria, zeramika eta plastikoak ebakitzeko. Teknologia hau ezaguna da material lodiak, gogorrak eta beroarekin sentikorrak diren materialak distortsiorik eta deformaziorik sortu gabe mozteko duen doitasunagatik eta gaitasunagatik. Horretarako, makina berri bat erosi dugu, ur bidezko ebaketaren oinarrietan sakontzeko, benetako aplikazioen kasuak egiteko eta merkatuko antzeko beste teknologia batzuen arteko konparazio tekniko-ekonomikoa egiteko. Gainera, azterketa bat egingo da fabrikazio-prozesuetan sortutako hondakinen murrizketari begira, ingurumen-inpaktua murrizteko. Alde batetik, ikastetxeetan egingo da azterketa, eta, bestetik, enpresa laguntzaileetan.
Arrakasta izatea espero dugu!
Lankidetza-erakundeak
Erakundeak
LHko ikastetxeak
