Politeknika Txorierrin lehenengo aste honekin hasitzat jotzen dugu 2024-2025 ikasturte berria, ikaskuntzaz, erronkaz eta hazteko aukeraz betetako etapa izango dena, zalantzarik gabe. Duela gutxi uda zoriontsua opa genion elkarri, baina bueltan gara.
Badakigu lehen egunetan urduri egon zaitezkeela, baina lasai, pertsona harrigarriak ezagutuko dituzue abentura berri honetan. Bestalde, berriro ikastetxean dauden ikasleek seguru asko uda honi buruzko istorioak kontatu beharko dizkiete ikaskideei.
MATRIKULAZIOA
Hau irakurtzen ari bazara eta oraindik matrikulatu ez bazara, ez kezkatu, MATRIKULAZIOA BATXILERGOAN Ezohiko aldia irailaren 30era arte da. MATRIKULAZIOA LANBIDE HEZIKETAN Ezohiko aldia urriaren 18ra arte da. Garaiz zabiltza gure ikastolako partaide izateko.
Hemen duzu gure prestakuntzari buruzko informazio gehiago:
Urtero bezala, hazteko, ideiak partekatzeko eta, jakina, ikasten duzuen bitartean ondo pasatzeko aukera izatea da gure egitekoa. Une oro zuekin egoteko gaude hemen, gauzak zailtzen direnean zuei laguntzeko eta zuen lorpen bakoitza ospatzeko.
Txorierriko Politeknikako talde osoa zuen esanetara gaude behar duzuenerako. Gure misioa kalitatezko prestakuntza espezializatua eskaintzea da, ingurune aldakorretara egokitzeko gai diren pertsona trebeak garatzeko.
Enpresako praktikak ere kudeatzen ditugu. Lantokiko Prestakuntza Dual Orokorraren modulu profesionala derrigorrezko izaera duen prestakuntza-modulu espezifiko bat da. Politeknika Txorierriko praktiken tutoreak eta enpresako trebatzaileak ebaluatuko dute.
300 enpresa baino gehiagorekin ditugun aliantzekin erreferentea gara Bizkaian, nazioarteko proiektuetan parte hartzen dugu, laneratzea eta ekintzailetza bultzatzen ditugu.
Onena emango dugu eta aurtengoa ahaztezina izango da!
“Arrakasta ez da soilik ezaugarri bereziekin lortzen. Batez ere, iraunkortasun, metodo eta antolaketa lana da “.
Victor Hugo.