Goi Mailako Heziketa Zikloa Politeknika Txorierrin
2 urte hauetan, ikasleek euren ibilbide propioa eraikitzen jarraituko dute. Modu praktikoan lan egiten dugu, errealitatetik ahalik eta hurbilen dauden egoerekin, betiere honako alderdi hauek zainduz: ikasleekiko hurbiltasuna, metodologia eta material eguneratuak, eta azken belaunaldiko teknologia.
Enplegarritasun handiko sektoreetan aritzeko prestakuntza
Politeknika Txorierrin ikasleen garapen integrala bilatzen dugu. Hori lortzeko, ikastetxetik ikasleei laguntzen diegu eta haien ondoan egoten gara, modu integralean prestatzeko xedez.
Goi mailako zikloan, lanaren munduan aukerak irekitzen laguntzen dizugu, enplegagarritasun handiko sektoreetara orientatutako irtenbideak diseinatzeko eskatzen diren konpetentzia guztietan.
ETHAZI, gure ikasleak erronken bidez prestatuz
ETHAZI metodologiaren bidez lan egiten dugu, erronken bitartez. Sistema honek ahalbidetzen du jokaleku bat eta une bat sortzea eta simulatzea, ikasleek haien aurrean erreakzionatu eta emaitza bat sortu dezaten, lan-errealitate batera hurbiltzeko xedez.
Era horretan, heziketa zikloari lotutako konpetentzia teknikoak eskuratzeaz gain, ikasleek euren ibilbide profesionalean lagungarriak izango zaizkien zeharkako gaitasunak ere garatzen dituzte.
Prestakuntza integrala
Pertsonaren garapen integral hori bilatuz, informazioarekin eta konpetentzia digitalarekin, komunikazioarekin, ekintzailetzarekin eta autoerregulazioarekin lotutako konpetentziak eskuratuko dituzte, bizitzaren egoerei arrakastaz aurre egiteko eta euren garapen-prozesuaren arduradun nagusi bihurtzeko.
Nazioarteko mugikortasun proiektuak
Berrikuntza-proiektuetan parte hartzeaz eta horien koordinazioan aritzeaz gain, Politeknika Txorierrin Erasmus+ mugikortasun-proiektuak ere kudeatzen ditugu. Horien bidez, gure ikasleek hiru hilabeteko praktika-aldiak egin ditzakete europar enpresetan.
Jarduera osagarriak
Politeknika Txorierriren jarduera osagarriak lagungarriak dira ikasleak pertsona autonomo, sortzaile eta konprometitu gisa hazteko eta garatzeko. Ikastorduen barruan, ikasleak hitzaldi eta jardunaldietara joango dira, hainbat gai jorratzeko: berdintasuna, boluntariotza, adikzioak…
Eta gero zer?
Goi-mailako maila bat amaitzean, Politeknika Txorierriko ikasleak espezializazio programetan, unibertsitatean edo lan-merkatuan sartu eta prestakuntza-programaren konpetentzia orokorrean definitutako lanbide-jardueran aritu ahal izango dira.