Elkartasun zerbitzuan oinarritutako ikaskuntza ezartzea kultura-ondare digitala hobetzeko – TOGETHER
IRAUPENA:
2021-2023
HELBURU NAGUSIA:
TOGETHER proiektuaren helburua da Bigarren Hezkuntzako ikasleei laguntzea baliabide kulturalekin modu sortzaile eta kritikoan konprometitzen, teknologia digitalak adimenez erabiliz. Paradigma aldaketa honek kultura-ondarea birplanteatzea eskatzen du, zeinak digitalki indartuta egon behar baitu, haren malgutasuna, irisgarritasuna eta inklusiorako ahalmena hobetzeko. Irakasleen prestakuntza, testuinguru honetan, erronka nagusienetako bat da, hezkuntzako profesionalek konfiantza eta esperientzia falta izan dezaketelako gazteenen gaitasun digital sortzaileak garatzeko. Hori dela eta, TOGETHERek talde honi prestakuntza eta garapen profesional egokiarekin laguntzen dio, sormen digitala azaleratu eta kultur ondarean aplika dadin.
EMAITZA NAGUSIAK:
- Irakasleen eskuliburua eta gaitasunen esparrua
Eskuliburua baliabide pedagogiko esanguratsua da, eta bigarren hezkuntzako eta batxilergoko zentroetako irakasleen eta zuzendaritza-organoen Etengabeko Garapen Profesionalaren (DPC) esku jarri da. Hezkuntza-eredu berritzaile bat eskaintzen zaie, sormen digitaleko trebetasunak erabiltzen dituena Ikaskuntza eta Elkartasun Zerbitzuaren eta Proiektuetan Oinarritutako Ikaskuntzaren kontzeptuak formulatzeko. Ikasleak tokiko kultura-ondarearen hobekuntza digitalean murgiltzeko helburua du.
- TOGETHER Sormen Digitalerako Akademia
Akademia online hezkuntza-plataforma bat da, eta eskuliburuko moduluen bertsio digitalizatua eta eskuliburuaren osagarri diren tresna digital, material didaktiko eta baliabide multimodal batzuk biltzen ditu. Helburua sareko ingurune irekia sortzea da, bigarren hezkuntzako eta batxilergoko zentroetako irakasleek eta zuzendaritza-organoek eskuliburuaren bitartez izandako ikaskuntzak integra ditzaten, horrela, ikaskuntza-esperientzia hobetzeko. Akademiak EBn sakabanatuta dauden erabiltzaile guztien artean gune sozial bat sortzeko ere balio du, eta horrek komunitate bat eratuko du.
