Ingurumena Kudeatzeko Sistemaren Bigarren Jarraipen Auditoria gainditu dugu

Beste urte batez, POLITEKNIKA IKASTEGIA TXORIERRI, S. COOPen Ingurumena Kudeatzeko Sistemaren Bigarren Jarraipen Auditoria gainditu dugu, UNE-EN ISO 14001:2004 arauan oinarrituta. Era horretan, egiaztatuta geratu da sistema hori Erakundearen eta ikasleen ingurumen-hobekuntzara zuzentzen dela eta erreferentziazko arauaren betekizunak betetzen dituela.

Aurreko ikasturtean bezala, pozteko moduan gainditu dugu auditoria, zeren ez baitigute inolako Arau-hausterik adierazi.

Sendo errotutako sistema bat da, zuzendaritzak sistema berrikusteko ezarri dituen prozesuen eta barneko auditorien sostengua duena.

Beste alde batetik, txostenean puntu sendo hauek aipatu dizkigute:

• Energia elektrikoaren kontsumoaren jaitsiera
• Ur kontsumoaren jaitsiera
• Paperaren kontsumoaren jaitsiera
• Suteak itzaltzeko ekipoen inbentarioa, fitxen araberakoa.

Ingurumena Kudeatzeko Sistemaz arduratzen den taldearen izenean, eskerrak eman nahi dizkiegu guztiei, bai pertsonalari eta bai ikasleei, gure ingurumen-jokabidearen hobekuntzan izandako lankidetza eta inplikazioagatik.